MIDAOG si Filipino-American Brian “The Hawaiian Punch” Viloria (27-3, 15KOs) batok kang Mexican Omar Soto (19-7-2, 13KOs) pinaagi sa split decision sa miaging gabii sa Ynares Center sa Pasig City.
Sa duha ka judges, midaog si Viloria, 97-93, 97-93, apan napilde siya sa usa, 93-97.
Dili man tuod kaayo impresibo ang iyang kadaugan, ang importante nga nakabawi si Viloria sa iyang masakit nga 12th round TKO nga kapildihan batok kang Colombian Carlos Tamara niadtong Enero.
“I thought this was a good first step in getting myself back into championship form. It wasn’t pretty but I got the job done this time. I didn’t want to make it too dramatic,” matod ni Viloria sa interbyu sa PhilBoxing.com.
“I put my boxing skills to work and I just wanted to come out there safe, shake a little bit of cobwebs out and I think I did that tonight,” dugang niya.
Si Viloria, kanhi International Boxing Federation (IBF) ug World Boxing Council (WBC) light flyweight champion, nagkanayon nga mokayod siya’g maayo alang sa sunod niyang tahas.
Lakip sa mga nag-abiba kang Viloria ning maong away mao si pound-for-pound champion Manny Pacquiao hasta ang asawa niining si Jinkee.