DUNAY maayong epekto sa publiko ang padayong panagbangi tali sa gobernador ug sa iyang bise sa lalawigan sa Sugbo - mopalambo sa sihag nga pagduma sa kagamhanan.

Nag-inugkatay sila sa posibling sayop sa pagduma sa pundo sa kagamhanan samtang di usab makaporma ang

korapsyon tungod sa hugot nga pagbantay sa duha ka mga kampo.

Updates on President Benigno Aquino III's presidency

Una si Bise Gob. Sanchez nagsige og pahid ngadto kang Gob. Garcia bahin sa kontrobersyal nga pagpalit sa lalawigan sa Balili property sa Naga.

Nagsugod kini dihang sila nagkaatbang og partido sa miaging eleksyon, naklaro ang siak sa ilang relasyon.

Wa pauwahi si Gob. Gwen Garcia nga nakasimhot og kadudahang motibo sa paghatag og dakong salapi ngadto sa tulo ka mga barangay sa lungsod sa Tuburan gikan sa buhatan sa bise gobernador.

Apan nganong karon na lang kini? Di ba ang mga giugkat nga isyu nahitabo niadto pang may alyansa ang ilang partido sa pagduma sa Kapitolyo?

Tungod sa ilang maayong relasyon kanhi, ang humot lang kanunay maoy masimhotan ug buta-bungol sa baho nga kamatuoran.

Dinhi ang publiko maoy alkanse. Kanunay may kuwang sa kinatibuk-ang pagbubo o pagpatuman sa programa ug proyekto.

Gani sa inugkatay sa baho karon, ang gobernador dunay nadiskubre diha mismo sa iyang han-ay human pipila ka barangay ang giingong wa makadawat sa iyang gipanghatag nga mga semento? Niini, nimando na siya og imbestigasyon.

Kon tan-awon sa positibong bahin, ang bangi sa duha ka taas nga mga piniling opisyal sa Kapitolyo sa Sugbo mas mopalambo sa sihag nga pagduma ug matinud-anong pagserbisyo sa katawhan.