MITIYABAW na ang mga pasyente nga nag-antos sa sakit nga sangla ug mga kawani sa Eversley Child Sanitarium sa Barangay Jagobiao, dakbayan sa Mandaue sa giingong anomaliya sa pagdumala sa tambalanan.

Ang 150 ka mga pasyente ang mipadala og suwat reklamo ngadto sa Department of Health (DOH) ingon man ngadto ni Presidente Benigno Aquino III nga nagbulgar sa giingong binuhatan nila ni Dr. Primo Joel Alvez, chief of sanitarium III, ug Dr. Joanri Riveral, medical specialist II.

Updates on President Benigno Aquino III's presidency

Base sa ilang open letter nga giduso ngadto sa kalihim sa DOH Enrique Ona nga sukad nga sila si Alvez ug Riveral mao ang ningdumala sa sanitarium gikan sa tuig 2006 ,daghan nang mga kausaban nga gipatuman.

Namatikdan sa mga pasyente nga gilisod-lisod silan ug ingon sa gi anam-anam sila og papahawa diha sa tambalanan.

Samtang ang mga sakop sa Eversley Childs Sanitarium Employees Union (ECSEU) nga adunay pag usik-usik sa pundo niini gumikan sa mismanage nila ni Alvez ug Riveral.

Gikabalak-an nga tungod niini hayan dili na nila makuha sa mga regular nga kawani ang ilang benepisyo.

Base sa ilang press statement pinitsahan og Hulyo 8 nga adunay gipahigayon nga mga unauthorized nga expansion sa hospital services ug ang pagsud sa Mandaue City College (MCC) diin dunay kabahin sa sanitarium nga gihimong classrooms.

Hinuon, nasayran sa Sun.Star Superbalita nga dunay daghang edipisyo ug mga lawak nga bakante sa compound nga giokupahan sa MCC.

Giingong mokabat sa P3.6 milyunes ang nagasto sa sanitarium sa maong expansion gikan sa April 2008 ngadto na sa May 2010.

Apan napakyas ang Sun.Star Superbalita sa pagkuha sa habig sa duha ka mga opisyal sa dihang giduaw ang sanitarium. (FVQ)