NILUWAT na sa ilang tubag ang Board of Elections Inspectors (BEI) sa dakbayan sa Lapu-Lapu ug ningsalikway sa pasangil sa naparot nga kandidato sa pagka-kongresista nga si Joselito "Lito" Ruiz.
Sa sayo pa, nipadangat sa iyang reklamo si Ruiz ngadto sa Commission on Election (Comelec) batok sa mga BEI, Department of Education District Supervisor, school superintendent ug principal sa dakbayan.
Nipasangil si Ruiz nga ang maong mga opisyal nakalapas sa R.A.no. 3019 o Anti-Graft and Corrupt Practices Act ug Omnibus Election Code labot sa giingong di makiangayong paghatag sa priority numbers sa mga botante sa piniliay
niadtong Hunyo 10.
"It is worth noting that the allegation of the complainant that all BEIs distributed priority numbers without prior notice to the public and to the Election Officer are couched in general terms and short on specifics," tipik sa joint affidavit sa 570 ka BEIs.
Giklaro sa BEIs nga gipahinumdoman sila ni City Election Officer Atty. Ferdinand Gujilde nga mohimo og pamaagi aron mamintinar sa botasyon. (FVQ)