NAGTINGUHA si Fil-Am Ana "The Hurricane" Julaton nga mohimo'g pambabaye nga bersyon sa "Thrilla in Manila" sama sa gibuhat ni boxing great Muhammad Ali kaniadto.
Unya ang gusto pa gyud ni Julaton nga sa Manila ipahigayon ang magsunod niyang duha ka mga away.
"I would like to fight in the Philippines and be the first Filipina to play in a world-title fight," matod ni Julaton sa interbyu sa www.gmanews.tv.
Si Julaton maoy naggunit sa World Boxing Organization female super bantamweight title, International Boxing Association female super bantamweight crown ug World Boxing Council international female super bantamweight title.
Si Angelo Reyes, manager ni Julaton, nagkanayon nga sa Septiyembre niya plano ipahigayon ang away.
Lakip sa mga away nga plano ni Reyes alang kang Julaton mao ang rematch batok kang Lisa "Bad News" Brown o usa ka title fight batok kang Marcela Acuña sa Argentina."