HUGOT ang pagtuo ni welterweight Rashad Holloway nga makabangon ra ang iyang suod nga higalang si Bernabe Concepcion human sa 2nd round TKO nga kapildihan niini batok kang Puerto Rican Juan Manuel Lopez ning bag-uhay lang.
Nagkanayon si Holloway, kinsa sulod na sab sa upat ka mga tuig nga higala ni Concepcion, nga kuyaw na gyud nga boksidor si Lopez kumpara sa iyang higala.
Hinuon bisan lupig siya sa away, napamatud-an ni Concepcion nga aduna gyud siya'y saktong kusog pinaagi sa pagtumba kang Lopez sa ulahing bahin sa 1st round.
Matod ni Holloway nga wala siya nahibulong nga napatumba ni Concepcion si Lopez gumikan kay sayod siyang aduna kini kusog nga kumo.
"I knew that was his gift. Bernabe can punch, that's his thing.
He's quick on his feet and he's a big puncher. I thought that he would basically have to use his athleticism and put his punches together to win this fight. I thought he had a good shot at stopping him," matod ni Holloway sa interbyu sa www.examiner.com.