SAKOP sa Lupon Tagamapayapa sa lungsod sa Consolacion, Sugbo gipusil sa wala mailhing tawo sayo kagahapon sa buntag.

Ang biktima giila nga si Rodulfo Mendaros, 66, minyo, taga Barangay Sacsac, bukirang dapit sa lungsod.

Updates on President Benigno Aquino III's presidency

Sigun sa report sa kapulisan, kini nahitabo pasado alas 5 kagahapon sa kaadlawon, gawas sa balay sa biktima.

Si PO1 Adonis Perania nga nahinabi sa Sun.Star Superbalita nibutyag nga ang biktima nagbarog lang gawas sa ilang balay sa dihang usa ka wa mailhing tawo nipusil sa biktima makaduha ka mga higayon.

Ang wa mailhing tawo nagtaptap sa nawong nipusil sa biktima.

Ang biktima naigo sa walang dughan samtang ang bala nilapos sa lawas.

Dali untang gidala ang biktima sa tambalanan sa dakbayan sa Mandaue apan gideklarar nga patay nang nidangat sa tambalanan. (DRT)