DI NA gyud ma-deny kun unsa ka bongga ang career karon sa international singing sensation nga si Charice.

Of course, tungod pang-international na ang iyang beauty, makabungog sab ang iyang talent fee.

Sa pinoyparazzi, usa sab ka showbiz oriented network, gisaysay didto nga plano unta nga kuhaon si Charice ni Anna Puno, producer sa "As 1" nila Martin Nievera ug Gary Valenciano sa US aron sab ma-show.

Ang seste, miatras si Tita tungod nalowkah gyud tawon sa talent fee sa dalaga. Say pa nga tumataginting nga $100,000 ang talent fee karon ni Charice sa matag show niya sa abroad.

Luyo sa dako kaayong talent fee, problema sab ang pagsingit sa busy nga iskedyul sa singer.

Gikinahanglan pa gyud nga mangugat og hinuwat ang producer kanus-a mabakante si Charice, makatando kini sa ilang i-produce nga show.

No wonder kun ana sab kamahal ang talent fee sa singer, tungod di na sab siya ma-ores sa international scene.

Visible karon si Charice sa US, aside nga part siya sa TV hit series nga Glee, upat sab ka magazines didto ang mo-feature kaniya.

Una ng gibutyag sa inahan ni Charice nga mas mag-concentrate si Charice sa iyang singing career sa US, inay dinhi sa Pinas.

Of course naman, sa dolyares nga kitaon, bongga na ang panudlanan.