UNSA kaha'y kaugmaon sa Barako Energy Coffee ug Sta. Lucia Realtors-pulos nagsagubang og krisis pinansyal-sa Philippine Basketball Association (PBA)?

Ang Barako mipasalig na nga naa gihapon sila alang sa sunod season samtang wala pa'y klaro ang Sta. Lucia.

Nagkanayon si PBA chairman Rene Pardo nga mipasalig na kaniya ang Barako management nga moduwa gyud kini sa sunod season.

"I was informed that they will continue participating in the PBA," matod ni Pardo sa interbyu sa www.gmanews.tv.

"But I told them that it will need board approval as well and we want to make sure how long can they commit."

Hasta si Barako Coffee coach Junel Baculi mipasalig sab sa partisipasyon sa iyang puwersa.

"I was given directives by the management headed by George Chua. He told me what direction we would like to take next season and that we want to form up a more competitive team," matod ni Baculi.

Giklaro ni Pardo nga ang labing importante kanila nga sakto gyud og puwersa ang usa ka team aron dili maguba ang liga.

"People would want to see games played at a more competitive level and they want to see competitive teams. If we have competing teams with inferior line up and not winning games, it will definitely hurt the league's attendance," pasabot ni

Pardo.

Sa laing bahin, usa ka tinubdan ang nagkanayon nga naglaraw ang Sta. Lucia nga mo-file og leave of absence karon nga season.

Hinuon wala pa'y opisyal nga pamahayag nga gipagawa ang Sta. Lucia kabahin sa ilang plano.