SA nagkadakong posibilidad nga dili mopirma sa kontrata si Floyd Mayweather Jr., ang adviser ni pound-for-pound champion Manny Pacquiao nga si Michael Koncz ug Top Rank boss Bob Arum naghugpong na alang sa ilang alternatibong plano.
Samtang naghuwat sila sa desisyon ni Mayweather, nagkanayon si Arum nga ilaha nang gisabutan ang puwede nilang itanyag aron makig-away si Pacquiao kang Mexican Antonio Margarito o kaha makig-rematch kang Puerto Rican Miguel Cotto.
Gitataw ni Arum nga hangtod na lang karong Sabado (RP time) ang tagal nga ilang gihatag kang Mayweather ug kon dili gihapon mosanong ang Amerikano, hayan lihukon na nila'g sugod ang pagpangita og laing kontra alang sa Pambansang Kamao sa Pilipinas karong Nobiyembre 13.
"We're ready to go on with the Mayweather fight," matod ni Arum sa interbyu sa ESPN.com. "but we have to make contingency plans just in case and I don't really want to talk about that too much. But Mayweather has until the end of the week. He could wait until the last minute. If it's Friday and it's 11 p.m., and he says we have a deal, we have a deal."
Nagkanayon sila si Arum ug Koncz nga nanghinaot gyud sila nga motando si Mayweather apan kinahanglan nilang mangandam kon negatibo ang desisyon niini.
Sa miaging semana, gipabuhagay na ni Arum nga aduna nay kopya sa kontrata si Mayweather. Si Pacquiao mitando na sa mga nakasuwat sa kontrata apil na ang kabahin sa Olympic style drug testing apan si Mayweather wala pa gyu'y imik.
Gipasabot ni Arum nga kon wala'y plano si Mayweather nga moaway karong tuiga unya moingon nga sa sunod na lang tuig, andam silang mohuwat apan kinahanglan gyung makaaway si Pacquiao karong Nobiyembre.
"We're waiting on Floyd," matod ni Arum. "He might not want to fight again this year.
If he wants to say, 'See you next year,' there's always next year. But I don't think we can't wait much longer for him to make up his mind because if we do the fight we want to make it as big as we can make it, and that takes time. I think Floyd will give us the courtesy of a response one way or the other. What that response will be, I really don't know."
Si Koncz nagkanayon nga andam gyud kaayo si Cotto nga makig-away pagbalik kang Pacquiao kon dili modayon si Mayweather.
Hinuon matod ni Koncz nga gisugo siya ni Pacquiao aron kuhaon kon usna'y tanyag kabahin sa away batok kang Cotto ug hasta kang Margarito aron mabalanse sa Pinoy boxing hero ang iyang opsyon.
"We don't know what Mayweather is going to do. Last week, I had dinner with Cotto in Puerto Rico to see where he stands
and he's willing and able to do a rematch with Manny," matod ni Koncz.
"Bob and I have spoken about both fights, Cotto and Margarito. Manny asked me to get proposals from Bob on both fights, so that's what I am doing."