NING nagkaduol na nga deadline nga gitagal, ang paglaom nga madayon ang mega-fight ni Manny Pacquiao ug Floyd Mayweather Jr. karong Nobiyembre 13 nisamot na og kahanap, matod ni promoter Bob Arum kinsa nag-represent kang Pacquiao.

Nagduda si Arum nga ang 33-anyos nga Mayweather (41-0, 25 KOs) kon mosugot ba sa away nga gibanabanang mokita og $50 million.

Updates on President Benigno Aquino III's presidency

Hinuon midugang si Arum nga mas hayag ang posibilidad sa Pacquiao-Antonio Margarito fight sa Nob. 13 didto sa Monterrey, Mexico.

Matod ni Arum nga ang Monterrey adunay bag-ong arena ug di na sad makabayad si Pacquiao og 30 percent nga buhis sa U.S.

Si Margarito, ang Mexicanong gisuspenso sa US ug usa ka tuig human kini nasuta nga mibutang og illegal nga substance sa putos sa iyang kamot, di pa lisensiyado sa US apan wa tangtangi sa iyang lisensiya sa Mexico.

Si Margarito (38-6, 27 KOs) mao karon ang top contender sa WBC light middleweight (154-pound) division kansang titulo nabakante human kini buhii ni Sergio Martinez, kinsa misaka ug mao na karon ang middleweight champion.

Ang kadaugan ni Pacquiao maghatag sa iyang ikawalo nga titulo sa managlahing division.

Gibutyag ni Arum nga ila usab nga gikontak ang Abu Dhabi sa United Arab Emirates aron adto ipahigayon ang away.

Nasagmuyo si Arum sa iyang pagpakig­hinabi sa Golden Boy nga maoy nag-represent ni Mayweather, nga wa gyud mobunga og maayong resulta.

Hinuon nagtuo si Arum nga ang di kaayo interesado si Floyd, Jr. nga moaway karon tungod sa problema sa iyang uyoan nga trainer nga si Roger Mayweather kinsa nag-atubang og kaso kalabot sa usa ka babayeng boksidor nga iyang gi-trained.

“We have heard nothing from (Floyd),” matod ni Arum. “But hey, it’s not the end of the world. If it doesn’t happen this year, hopefully it will happen next year,” possibly in May 2011.