PULIS nisuway sa pagpakamatay pinaagi sa pag-inom og bleaching liquid tungod sa kamingaw sa anak.

Ang suway nga pagpakamatay nahitabo sulod sa balay sa pulis nga sakop sa Mobile Group ug gidistino sa Bust Bus sa dakbayan sa Sugbo.

Updates on President Benigno Aquino III's presidency

Ngan sa pulis ug iyang asawa gipugngan ning mantalaan.

Subay sa taho nga nag-away ang pulis ug ang iyang asawa tungod sa ilang suliran.

Wa hinuon giklaro sa mga imbestigador kon unsa nga problema ang giawayan sa magtiayon nga nisangko sa suway nga paghikog sa pulis.

Giingong nanghagis kini sa wa pa ang hitabo.

Hangtod nga nikuha og plastic bottle sa usa ka bleaching liquid.

Iya kining giinom ug nisulod pagbalik sa ilang balay ug nanirado.

Mosulod unta ang iyang asawa, apan wa pasudla sa pulis.

Nitawag sa kapulisan sa Punta Princesa ang iyang asawa aron magpatabang sa pagsanta sa iyang bana nga gituohan niyang dunay dautang gibuhat sud sa lawak.

Hinungdan nga naalarma sa hitabo ang kapulisan.

Niabot si Chief Inspector George Ylanan ug nakig-negotiate kang Laborte, hangtod nga nangabli kini sa balay ug daling gidala sa tambalanan.(JFT)