SAMARAN ang usa ka dalaga human gibato samtang nikanaog sa motorela kagahapon mga alas 2:30 sa kadlawon sa CM-Recto-Licoan ning siyudad sa Cagayan de Oro.

Nilanding sa Northern Mindanao Medical Center si (NMMC) si Chuchie Butal, 19, dalaga taga Mahayahay, Puerto ning siyudad human sa hitabo.

Usa ka saksi niadtong tungora nga mao si Nanding Barquello niingon nga usa sa nagbato sa biktima mao si Argie Factura, taga Macabalan ning siyudad.

Tungod niini deretsong gisukmag sa motorela driver si Barquelli human sa gihimong pagbato niini ngadto sa iyang pasahero.

Nasayran nga dili lamang si Factura ang nilabay og bato apan aduna pay laing mga kauban.

Sa rekord nga natala sa NMMC gikataho ug gitouhang usa ka Guest Relation Officer si Butal ug gituohang natripan sa mga batan-on hinungdan nga gibato.

Naigo ang tiil ni Butal nga padayon pang giobserbahan sa mga doctor sa NMMC ning panahona human nipahigayon og X-ray.

Ang kaso gisunod na sa Police Station 5 (PS5) sa Macabalan ning panahona. (SVB)