Margarita Cartagena
Parian Health Center, Cebu City
Duha ka linalang gibugkos sa tumang
Kamalipayon inigsulod sa kaminyuon.
Abi nila misulod sila sa paraiso
Pero sa wa nila damha laang diay
Padulong sa impiyerno.
Dugos sa gugma ilang gisaw-an
Gani ilang anak midaghan.
Ang wa nila mahibaw-i mao
Ang umaabot nga katalagman
Nag-atang inigbikang nila kanaog
Sa ilang hagdanan.
Ngano kini?
Dili ba ang kaminyuon giumol
Sa duha ka gugmang tiunay?
Nganong ning atong panahon
Wala ug tuo ang balita sa mga patay
Sa mga tawong nagminahalay?
Mao ba kini ang sangputan
Sa gugmang tiunay?
Dili ba kini bunga sa drugas?
Kalisod pinansiyal nga maoy
Nagtukmod ngadto sa
Linuog nga hukom?
Mga Ondo, mga Inday
Ampo sa Ginuo maoy isentro
Ug himuong lig-on nga pundasyon
Sa inyong panimalay
Uban sa inyong panlimbasog
Nga makasugakod
Niining biyahe sa kinabuhi.
Kanang gugmang gi-atay isalibay
Ayaw intawon ninyo palamboa!
Isalindot ug kahadluki
Sama sa usa ka tawong gisangla!