TUNGOD sa giingong love triangle, naa sa kritikal nga kahimtang ang usa ka babaye nga menor.

Ang babaye gidunggab sa giingong iyang karibal sa gugma human sila magkalalis kalabot sa usa ka lalake.

Updates on President Benigno Aquino III's presidency

Kini nahitabo sa dalan Zulueta, Barangay Tinago, siyudad sa Sugbo pasado alas 4 kagahapon sa kaadlawon.

Ang biktimang samdan human dunggab ginamit ang ice pick mao si “Merlyn,” 16 nga nagpuyo sa maong lugar.

Ang biktima nga nakaila sa nidunggab kaniya wa gyud motug-an sa kapulisan dihang siya gipangutana sud sa tambalanan hinungdan nga naglisod ang kapulisan sa ilang imbestigasyon.

Sa pasiuna nga imbestigasyon gihimo ni SPO4 Alex Dacua ug mga kauban sa Homicide Section sa Cebu City Police Office (CCPO), nagbutyag nga nitambong og bilar ang biktima sa namatay nilang silingan.

Samtang siya naglingkod,kalit nga niabot ang ilang silingang babaye nga uyab sa ilang silingang lalake nga giingong iyang boyfriend.

Matod ni Dacua nga gisukmatan sa silingan ang biktima nganong nangilog kini sa iyang uyab.

Gipanghimakak kini sa biktima, hangtod nga nahitabo ang ilang panaglalis.

Nilakaw ang suspek human sa ilang panaglalis, apan gisundan siya sa biktima.

Wa masayod ang biktima nga dunay dalang icepick, gikalitan siya sa pagdunggab.

Ang suspek daling nisibat samtang ang biktima gidala sa mi-responding kapulisan sa Cebu City Medical Center (CCMC).

Wa makagawas ang dugo diha sa tiyan sa biktima mao nga gikatakda siya nga operahan.