LAST Thursday night, pormal na nga gikoronahan isip FHM Philippine Sexiest karon nga tuig ang Kapamilya actress nga si Angel Locsin.

After five years, subling nakuha ni Angel ang maong titulo nga gi-reynahan last year ni Cristine Reyes.

Ang pagrampa sa Sexiest Woman sa Pinas gihimo sa World Trade Center sa Pasay City nga gisaksihan sa libuan ka mga audiences.

Si Angel naka-angkon og 284,156 votes against ni Cristine nga may 227,390, samtang si Marian Rivera anaa sa ikatulo nga may 218,742 votes.

Pasok sab sa Top 10 sila Iwa Moto, Angelica Panganiban, Katrina Halili, Regine Velasquez, Bangs Garcia, Ehra Madrigal, ug Jackie Rice.

Bongga ang palakpakan dihang mirampa sa stage ang mga hot mommas nga sila Jean Garcia ug Eula Valdes.

Apan ang mas giatangan sa tanan mao ang grand entrance sa big winner.

Minaug si Angel gikan sa ibabaw gamit ang harness nga may puti nga pako.

Giuwan sab og red confetti ang pagsulod sa aktres sa stage.

"Maraming salamat sa lahat ng bomoto... Very thankful ako sa lahat ng nagtiwala sa akin and nagpapasalamat din ako sa FHM dahil after five years, di ba, ako ulit? Parang kumbaga, kung mag-boyfriends, kayo parang nagkagalit lang kayo sandali tapos back again," ni Angel.

Absent sa FHM party ang higala ni Angel nga si Cristine Reyes.

Tungod niini, subling gisabong ang duha, nga sumala pa na-imbiyerna si Cristine tungod wala siya nag number 1 this year.

Apan si Angel, dali nga nanagang sa isyu og mi-isplikar nga in good terms sila sa manghud ni Ara Mina.

Ni Angel, way igong rason aron nga sabungon sila ni Cristine. Niya, good friends sila, gi-congratulate sab siya niini dihang nasayran nga siya ang napiling number 1 sa FHM Sexiest karon.