USA ka baboy nga bag-ong gipanganak nga adunay duha ka ulo, upat ka mata, tulo ka dalunggan, usa ka lawas ug upat ka tiil namatay.
Matud pa nga gialimahan lamang ni Orlando Basaca nga taga Sitio Royeca, Bula, General Santos City ang anay nga baboy nga nanganak sa miaging adlaw.
Gidugang pa ni Basaca nga walo ka buok ang anak sa anay ug ang baktin nga adunay duha ka ulo maoy ika-unom nga gianak.
Iyang giklaro nga buhi pa nga gipanganak ang baktin apan namatay paghilabay sa pipila ka minuto.
Gikuha dayon sa tag-iya ang maong baktin sa pagtuo nga suwerte alang kaniya.
Mismo ang buhatan sa City Veterinary sa Gensan nagtuon sa gipanganak nga baktin ug dunay mga tulunghaan sab ang interesado nga i-preserba kini tungod kay katingad-an ug talagsaon. (Edgardo Fuerzas)