Concepcion gi-TKO ni Montiel sa 3rd round

GI-KNOCKOUT ni Mexican Fernando “KOchulito” Montiel si Colombian Rafael “El Torito” Concepcion sa 3rd round kagahapon aron depensaan ang iyang World Boxing Council (WBC) bantamweight title sa Palenque de la Feria, Tuxtla Gutierrez, Chiapas, Mexico.

Gawas nga nadepensaan niya ang iyang WBC belt, nakuha sab ni Montiel ang World Boxing Organization (WBO) title tungod sa kadaugan.

Updates on President Benigno Aquino III's presidency

Sa pagsugod pa lang sa away, nibubi na’g mga makusog nga kombinasyon si Montiel.

Sa 2nd round, kaduha gitumba ni Montiel si Concepcion apan mibarog ra gihapon ang naulahi.

Gipalukapa na sab ni Montiel sa 3rd round si Concepcion ug ning higayuna, nahuman og sayo ang away sa ika-1:07 minutos sa round.

Ang kadaugan ni Montiel maoy naghatag og kahayag sa panagharong unya nila ni Nonito “The Filipino Flash” Donaire.