NASAYOD kita nga way hingpit nga makatagna sa dagan sa panahon.

Ang pwersa sa kinaiyahan lisod masabot ug masukod sa limitadong pangutok sa tawo.

Apan ang pagbanabana sa mga posiblidad sa kausaban sa panahon dako kaayo og matabang sa pagpangandam sa katawhan aron malikay sa katagman o kaminosan ang epekto sa kinabuhi.

Updates on President Benigno Aquino III's presidency

Mao kini ang labing dakong papel ug responsibilidad sa Philippine Atmospheric Geophysical and Astronomical Services Asministration (Pagasa) - paghatag sa labing kasaligang banabana sa pahanon ug pagpakaylap sa kasayoran sa labing lapad nga populasyon.

Subo nga pamalangdugon, ang Pagasa kanunay sentro sa kontrobersya ug gibasol sa matag hapak sa bagyo tungod sa kaapiki sa kadaghanan sa updates sa panahon sama sa miaging bagyong ‘Basyang.’

Di mominos si Pres. Benigno Simeon ‘Noynoy’ Aquino III nakasaway sa way tino nga updates gikan sa Pagasa, gitumbok nga usa sa mga rason sa grabeng epekto sa usa ka hinay nga bagyo nga niigo sa Luzon ug Metro Manila.

Matod ni Pres. Aquino, ang tukma nga updates sa Pagasa importante sa pagpalihok sa ubang ahensya sa kagamhanan.

Kapin na sa 60 ka mga tawo ang nakalas ug minilyon ang kadaut sa kabtangan tungod ni ‘Basyang.’ Gipaabot nga mas daghan pang mosud nga bagyo sa nasod ning ting-uwan.

Ang Pagasa kinahanglang mopalambo pa sa ilang serbisyo lakip sa pagpakaylap na sa kasayoran - susob nga weather bulletins bisan low pressure lang.

Malangkubong solusyon mao gyud ang pagmuntar sa labing modernong mga kahimanan sa matag weather monitoring stations sa Pagasa sa nasod.