DEAR Noy Kulas,

Maayong adlaw nimo ug sa tanang nagsubay sa imong column. Tawga lang ko sa ngalan nga Libog Mom. Ang akong problema bahin sa akong bana nga until now wala gyud mahibaw-i kinsa ang kabit sa akong bana. Naglibog gyud ko, Noy, kinsa ang babaye. Unsa man ang akong buhaton aron makahibaw ko kon unsa ang gitagoan sa akong bana.

Usahay di siya mouli sa balay sud sa three days kay ang rason niya nagbuhat siya og project. Nitiwas man ni siya og school. Naa baya miy anak ug kasado mi. Magpatabang unta ko, Noy, kon asa ko moduol aron mahuman na ang akong problema.

Updates on President Benigno Aquino III's presidency

Mo-text man gani ang babaye nako aron magpasuya. Akong mga text sa akong bana i-forward balik nako sa kabit. Unya ra ba dili moangkon ang lalake nga didto siya.

Akong pangutana, Noy, nganong makahibaw man siya unsa ang gisul-ob sa akong bana ug unsa akong gibuhat sa balay? Naa ra ba silay anak, Noy. Kon mo-file ko og kaso para sa akong bana, asa man ko moadto? Naa bay bayad? Pila pud, Noy? Ako lang gusto masakpan asa nagpuyo ang kabit. Noy, mahibaw-an ba kon kinsa ang nigamit sa cell number?

Palihug ko og tambag nako, Noy. Salamat. More power and God bless.

LIBOG MOM

Libog Mom,

Maayong adlaw nimo. Bitaw, kining imong kaso common na man kaayo ni ron. Mga asawa nga mao pay giyatakan ang katungod, giyaga-yagaan pa gyud. Unsaon man sab gud ning atoang balaod, naa man unta ni, but it is too costly to use it against niadtong mga malapason.

But aron gyud maseguro ang imong options or unsa ang imong buhaton, konsulta og lawyers. Maisip man nga battered ka psychologically, bisitai ang buhatan sa kapulisan alang sa women’s aron ka matambagan sa imong buhaton. Naa man ni sa police stations ug mga babaye nga pulis ang mag-handle ini. Mas maayo man gud ni kon anha nila diha idangop kay mas sekreto kay sa barangay. Gawas pa, di sab mo kaila.

O di man gani, refer sa imong problema sa Children’s Legal Bureau (CLB) kay ang imong sitwasyon may kalambigitan man sa inyong mga anak. Ayaw lang pagyaka ug magpadaogdaog sa imong bana ug sa kabit nga isog kaayo. Kay ang balaod naa man diha pabor nimo.

Kay kon duna ka pay igong bala, mahimo kaayo nimo silang ikiha ug ipapriso, labina kay duna kay igong ebedensya nga mao ang ilang anak.

Sayon ra baya nang pagtultol sa babaye. Panid-I ang imong bana ug pagpangutana kabahin sa babaye. Kon wa ka makaila, dangop sa iyang mga higala kay basin dunay usa nianang mosulti kanimo tanan kay naluoy. Don’t just sit there sa inyong balay ug magpasungog sa kabit nga nagtuong she can be no. 1 ug wa siyay tulubagon sa balaod.

Ikaduha, kon di man gani ka mokiha, at least maseguro sa imong mga anak o anak ang suporta sa imong bana kay legal ka man nga asawa. Kay legal ka man, you are entitled sa tanang suporta nga ihatag sa bana ngadto sa asawa. Pinaagi niini, maleksyon ang duha nga nagbugalbugal nimo. Let them learn their lessons.

Tan-awag di ba na sila magpakiluoy. Naa na koy higala nga ingon nimog sitwasyon, mikamang gyud ang bana sa pagpakiluoy kay hapit tanang suweldo ug benefits, diretso na man niya tungod sa order sa korte. Diha siya miduol sa Public Attorney’s Office (PAO). Suway sab kon duna kay panahon.

NOY KULAS