GIILANG shabu queen sa Barangay Tangke, Talisay City nasikop sa kapulisan atol sa buy-bust operation alas 7:25 kagahapon sa buntag.

Pinangulohan ni Sr. Inspector Marlon Gumabao, gihimo ang operasyon batuk kang Marissa Obrero,hingkod ang panuigon, minyo nga lumolupyo sa maong barangay.

Updates on President Benigno Aquino III's presidency

Nakuhaan si Obrero og usa ka medium size nga plastic pack nga may sud nga gidudahang shabu.

Si Supt. Henry Biñas, hepe sa kapulisan sa Talisay nitug-an nga si Obrero makadaghan na nadakpan sa kapulisan.

Gihulagway nga tibuok pamilya ni Obrero ang nalambigit sa negusyo sa drugas sa Tangke.

Lakip ang igsuon ug anak ni Obrero giingong nangadakpan na sab sa kapulisan ug nahimong mao na kini ang negusyo sa pamilya.

Dugay na ang gihimo nga surveillance sa kapulisan batok sa dinakpan apan idlas kini tungod sa pagsige og balhin balhin og kataguan.

Dunay pending nga mga warrant of arrest ang suspek apan tungod kay duna na kini gipanag-iya nga fishing boat, dali ra kaayo ang pagsibat paingon sa Bohol ug ubang dapit.

Gibutyag sa suspek nga gikan sa Ozamis ang iyang tinubdan sa shabu.

Nagdumili hinuon kini sa pagtug-an sa kapulisan kon kinsay ngalan sa tawo nga iyang komprahan sa illegal nga drugas.

Gitakda nga ipasaka karong adlawa ang sumbong pagbaligya og illegal nga drugas sa Talisay City Prosecutor’s Office.