BACOLOD

Roldan: Dili sensitibo nga sakop media

WALA pa gihapon nawagtang ang mga sakop sa media nga dili sensitibo sa mga isyu sa bata.

Bisan sa kadaghan na sa mga seminar ug training kabahin sa balaod ug katungod sa mga bata karong panahona naa gihapoy atong mga kauban sa buhat nga morag tuod og way pagbati. 

Si Kagawad Richard Navales sa Barangay Mandug, gender focal person sa maong barangay nag-text kanako tungod sa iyang nakitang paglapas sa reporter sa ABS-CBN TV Patrol Davao sa pag-cover niini sa batang menor-de-edad nga sakop kuno sa NPA sulod sa kampo sa militar niadtong Hulyo 9. 

Wa ko makita ang naasoy'ng footage apan matud pa niya ug sa mga nakasaksi nga gi-interview nila ang bata atubangan sa camera nga way tabon sa nawong o kaha gi-blurred tungod sa iyang pangidaron ug sa ka-sensitibo sa kaso nga iyang giatubang. 

Matud pa ni Navales nga abi niya nga hataas na ang ang-ang sa kahimatngon sa reporter sa maong network busa natingala siya sa nahitabo, unta mangayog siya og pasaylo sa publiko.  Maayo pa daw ang GMA kay gi-blurred nila ang nawong sa bata. Tungod niini gitawagan ko dayon si Ella Abad-Tan, program manager sa Bantay Bata 163 sa ABS-CBN nga sakop usab sa Mindanao Action Group for Children's Rights and Protection (MAGCRP) aron mohimo og lakang. 

Ug sa diha-diha dayon, giangkon sa maong network ang ilang kasaypanan pinaagi sa text message "Thank you Maam (Ella). There was a lapse in judgment from our team. We tried to recover from the said mistake but we admit that there was a lapse in this instance.  We will be more careful and responsible in such sensitive situations. We acknowledge our mistake."  

Sigun sa tamdanan sa mga mamahayag kabahin sa pag-cover sa mga isyu sa bata, gidili ang pagkuha sa ilang mga nawong sa TV o pagbutyag og pagmantala sa ilang tinuod nga pangalan sa radyo ug pahayagan isip pagtamod sa ilang mga katungod subay sa UN Convention on the Rights of the Child (CRC) ug sa ato mismong mga balaod. 

Gani gidili ang pagbalik-balik og interview sa mga bata nga may traumatic nga kasinatian  sama sa pagpanglugos kay gawas nga nakalapas kini sa ilang katungod ug sa balaod, nakadugang hinuon kini sa pagpang-abuso sa bata inay nga makatabang sa pag-alim kanila. 

Una sa tanan nidayeg ako ni Kagawad Navales sa iyang kaigmat ug pagsang-at sa iyang nasaksihan ngadto sa mga hingtungdan.  Unta ingon niini ang kahimatngon sa katawhan kabahin sa isyu sa mga bata.  Nidayeg usab ako sa taga ABS-CBN sa daling pag-angkon sa ilang sayop ug sa ilang giluwatang pamahayag nga di na mausab ang susamang hitabo. 

Unta himuon nila sa publiko ang ilang pag-angkon sa kasaypanan aron mahibaloan sa tanan nga di sakto ang ilang gibuhat sa bata. 

Unta leksyon kini kanatong anaa sa media kay sa kaulahian, ang atong kabataan ra sab unya ang makabenipisyo sa atong pagpakabana ug pag-atiman sa ilang mga katungod karon.  Atong hinumduman nga "childrens rights are human rights." Salamat kagawad ug Ma'am Ella.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph