UPAT ka mga tawo ang namatay sa nahitabong panagbangga sa duha ka motorsiklo alas 4:00 sa hapon niadtong Dominggo didto sa Barangay Libi, Kiamba, Sarangani Province.

Matud ni SPO2 Eric Villanueva sa Kiamba Police Station nga nagginukoray ang duha ka mga motorsiklo apan nagkabangga hinungdan sa pagkalagpot sa

mga sakay.

Ang usa ka drayber nailhan nga si Percival Ian Panieda, 35; ug angkas nga si Florajane Hatiga, 25; samtang ang drayber sa laing motorsiklo nailhang si Ocarin Tambilingan, 24,  taga Palimbang, Sultan Kudarat ug adunay angkas nga tulo nga giila nga sila si Joshue Damukon, Gerald ug Dennese Joan Alcantara, pulos taga Maitum, Sarangani Province.

Gitino ni Villanueva nga upat ang namatay apan wala siya masayod kon kinsa sa duha ka drayber ug sa upat ka mga angkas ang namatay.

Gibutyag usab niya nga duha ang kritikal ug gidala sa ospital.

Ang insidente nahitabo tungod sa dangog nga dalan human sa pagbundak sa makusog nga ulan ug ngitngit sab ang palibot hinungdan sa aksidente.

Gilusad na karon sa kapulisan sa Kiamba ang imbestigasyon sa mangilngig nga aksidente sa naasoy nga dapit. (Edgardo Fuerzas)