USA ka lalake ang gipatay ug napalgang gilabay sa pangpang sa Sitio Visayan, Barangay Lanas, dakbayan sa Naga, alas 5:30 sa buntag kagahapon.
Ang biktima dunay dakong tattoo sa dughan nga “bigboy” sa bukobuko dunay tattoo nga ‘forever”, 5’1 ang gitas-on, pution gibanabana nga nagpangidaron sa 25-35 anyos, nagsul-ob sa jersey sleeveless nga putin nga sinina nga may marka nga-apilyedo nga Quijano.
Si PO2 Gilmer Noval, imbestigador sa Naga police station, niingon nga tataw nga gi-salvage ang biktima nga dunay dakong samad sa likod sa ulo.
Usa ka Carpo Baroman, 51, nagpuyo sa nahisgutang nga motubag unta sa sugo sa lawas maoy nakakita sa biktima.
Sa kahadlok niini, nagdali siya gawas sa kalibunan dayon gitug-an sa iyang mga silingan ug barangay opsiyal nga nitawag sa kapulisan.
Wa pa nila masuta kon unsay hinungdan sa samad, pero nagtuo sila nga gibunalan kinig magahi nga butang sanglit maayong pagkagis ug nanglagom ang mga mata.
“Gi-tortured ni siya ka yang walang mata na black eye,” dugang ni PO2 Noval.