HUMAN usa ka bulan, gibuhian sa iyang mga kidnaper ang anak sa usa ka opisyal sa gobiyerno sa Crossing Macanhan-Balulang ning siyudad sa Cagayan de Oro mga alas 5:30 sa hapon.

Si Nuraldin Yusoph, 22, anak ni Commission on Elections (Comelec) Commissioner Elias Yusoph, gidagit niadtong nilabay nga bulan samtang nag-ampo sulod sa Bato Ali Mosque sa Barangay Sabala Amanao, siyudad sa Marawi City bugti sa pag-null sa mga boto didto sa Lanao.

Gihulog lamang si Nuraldin sa usa ka sakyanan samtang nakataptap ang iyang nawong ug dihang wala na ang presensya sa sakyanan usa pa niini gitangtang ang taptap ug nasuta nga anaa kini ning siyudad.

Ang nihimo sa negosasyon aron kini makalingkawas gikan sa mga kidnaper mao sila

si Jesus Dureza, chairman sa Mindanao Development Authority, Lanao del Sur Governor Mamintang Adiong Jr., Major General Romeo Lustestica, chief sa 1st Infantry Division ug kapolisan sa Lanao kinsa nahidangat ning siyudad niadtong Lunes aron motabo sa biktima.

Si Governor Adiong Jr., atol sa usa ka interbyu sa sibyaaan sa radio, nipasabot nga walay ransom nga nahatag sa mga kidnaper bugti sa kagawasan ni Nuraldin.

"I am happy to know that kidnap released. When we work on these cases, we stick to the government's no-ransom policy," dugang ni Adiong.

Sa kasamtangan, nagpahulay pa sa puloy-anan sa igsuong si Afarat Yusoph ning siyudad si Nuraldin gani nidumili kini sa paghatag sa pamahayag dihang gisuwayan og hinabi sa mga sakop sa prensa. Labina kalabot sa mga nasinati niini samtang anaa sa kamot sa mga kidnaper.

Gilaumang kagahapong adlawa mahidangat ning siyudad si Commissioner Yusoph, samtang karong adlawa natigayong ubanon sa kaulohan si Nuraldin.

Giklaro usab nga walay kamatuoran ang migawas nga taho nga adunay ransom nga P5 milyones human sa grabe nga negosasyon bugti sa kagawasan ni Nuraldin.