USA ka mag-uuma ang namatay human gipusil sa mga rebelde sa alas 8:20 sa gabii niadtong Lunes didto sa probinsiya sa South Cotabato.

Ang kapulisan nag-ila sa biktima nga mao si Abdullah Inan, 48, minyo ug molupyo sa Barangay Poblacion, Lake Sebu.

Sa nahagpat nga taho gikan sa South Cotabato Police Provincial Office, nasayran nga samtang naglakaw ang biktima gikan mitambong sa pulong-pulong sa grupo sa mga mag-uuma pauli sa iyang bay, kalit siyang giatngan sa wala mailhing mga armadong tawo ug gipusil gamit ang kalibre .45 nga pistola.

Patay gilayon si Inan kinsa naigo sa tuong bahin sa dughan ug ulo samtang ang mga mamumuno dali nga misibat paingon sa wala matino nga direksyon.

Matud ni Imbai nga sa wa pa gipatay ang iyang bana, nagsulti kini kaniya nga dunay mga tawo siyang naka-away gumikan sa yuta nga ilang giugmad.

Ang kapulisan padayong nag-imbestigar sa kaso aron masuta ang tinuod nga motibo sa pagpatay. (Edgardo Fuerzas)