SUGDAN sa M.Lhuillier Kwarta Padala-Cebu Niños ang ilang kampanya alang sa ikatulo nilang leg title pinaagi sa pagpakig­batok sa Cobra Energy Drink Ironmen sa main game karong hapon sa pagsugod sa 7th leg sa Tournament of the Philippines (TOP) sa Emilio Aguinaldo College gym sa Manila.

Ang Niños, nga mosuway pagsumpay sa ilang 29 ka sunodsunod nga kadaugan sukad sa Liga Pilipinas sa miaging tuig, maoy labing unang team nga nakasakmit og duha ka leg titles.

Updates on President Benigno Aquino III's presidency

Sila maoy naghari sa 1st leg nga gipahigayon sa Manila hasta sa 6th leg nga gipahigayon dinhi sa Sugbo.

Sama sa naandan, ang Niños ni coach Raul “Yayoy” Alcoseba magsalig og maayo sa ilang mga ex-PBA nga sila si Stephen Padilla, Marlon Basco, Bruce Dacia ug Warren Ybañez lakip na nila ni Abby Santos ug Ian Saladaga.

Sa ilang bahin, ang Ironmen dili sab gyud mabintahaan ug ilaha kining napamatud-an pinaagi sa pagsakmit sa korona sa 2nd leg nga gipahigayon sa General Santos City.

Hinuon gumikan sa ilang taas nga kasinatian, tataw nga mas inilog gyud ang Niños batok sa Ironmen.

Sa premirong duwa, magharong ang MP GenSan Warriors ug ANI-FCA Cultivators.

Ang simple ug hamubong opening program ipahigayon tungatunga sa duha ka mga panagsangka.