NILANAT lang og 10 minutos gikan sa iyang paggawas sa bilanggoan, usa ka binilanggo sa Lapu-Lapu City Police Office (LLCPO) gibanhigan patay sa mga lalakeng nagmotorsiklo niadtong miaging gabii.

Gibana-bana nga 100 ka metros ang gilay-on sa biktima gikan sa LLCPO dihang siya gibanhigan samtang nag-inusara nga naglakaw atbang sa City Hall of Justice human gipagawas sa bilanggoan.

Updates on President Benigno Aquino III's presidency

Ang biktimang si Emmanuel Derota, 24, ulitawo, taga-dalan Dimataga, Brgy. Poblacion, Lapu-Lapu City, kinsa nag-atubang og kasong theft human nadakpan niadtong Sabado.

Base sa initial nga imbestigasyon ni SP03 Rolito Jumao-as sa Crime Against Person’s Desk sa LLCPO, gi-release si Derota niadtong Lunes sa alas 7:20 sa gabii human nilapas na sa reglamentary period kay wa na mopakita ug mo kiha ang gibiktima ni Derota.

Nasayran nga niadtong Sabado gidakop si Derota sa barangay kapitan sa Poblacion nga si Allen Dimataga sa kasong pagpangawat sa dihang nisaka sa balay sa usa ka Gerson Gakong ug nikawat sa cellular phone ug P500.

Si Gakong wa mopakita og interest sa pagkiha kang Derota hangtod nga naabtan sa pagkapupos sa 72 hours nga reglamentary period hinungdan nga gi-release sa detention cell.