NITINGKAG karon ang dunggan sa pipila ka mga opisyal sa lokal nga pamunoan kalabot niining presensiya sa ilang dapit sa mga spa nga nagtanyag og lingam massage.

Kini tungod sa mga mikatap nga mga huhungihong nga ang maong klase sa massage daw sa nag-agni og extra services o pagpakig-sex bugti sa laing bayad.

Updates on President Benigno Aquino III's presidency

Aron pagsanong ug paghatag og aksiyon sa maong mikatap, si Mayor Jonas Cortes sa dakbayan sa Mandaue ug ingon man si Mayor Paz Radaza sa Lapu-Lapu City mihimo dayon og pakisusi.

Ilang pasirhan kon ilang mapamatud-an kon tinud-anay ba gyud nga adunay pagpanghilawas nga mahitabo sa maong masahe.

Matod nila nga kini makadaot sa turismo.

Ang lingam massage maoy usa ka masahe sa kinatawo sa lalake diin ang babaye maoy mangunay paghimo niini. Kini gitumong niadtong mga tawo nga gikapoy ug gustong magpa-relax ug ingon man ilabi na kadtong adunay problema sa prostate.

Nahadlok sila si Mayor Cortes ug si Radaza nga tingali og gihimong front lang sa prostitution ang maong lingam massage busa tukma ug angay lang gyud nga sugpuon. Pero seryuso gyud kaha sila sa pagsugpo sa prostitution sa ilang dapit?

Ambot og unsay kalahian niining lingam massage, bikini bar ug ingon man niining mga bugaw nga klaro gyud kaayong nagtanyag og pagpakighilawas.

Sa ubang bikini bar, paganahan ang mga lalake pinaagi sa pagsayawsayaw nga hubo ug kon makauyon magsabot dayon sa presyo ug dayon manggawas sa bar. Sabtunon og asa sila paingon.

Sa pipila usab ka kadalanan, makita nimo ang mga babaye nga naka-display uban sa ilang mga bugaw nga plastada kaayong nanghagad ngadto sa mga lalake.

Di ba mao man ni klaro kaayong prostitution, Mayor?