DEAR Noy Kulas
Good day to you. Tawga lang ko sa ngan nga Benj. Usa ako sa mga avid reader ning imong column and I have read some of your advices. It made me realize nga dili ra ako ang naay problma sa kinabuhi. Ang akong problema, Noy, bahin sa akong lovelife.
Naa koy girlfriend for one and 1/2 years. Tawga lang sa ngan ap’Z.
Noy Kulas, naa koy nabuhat niya nga ako ang naapektuhan pag-ayo. Wa na gyud siya magpakita nako. Hinuon sala man pud nako. Bali nag-ipon na gyud mi ani niya, Noy.
Daghan gyud mga trial nga ning-abot sa among life ug nakaya ra pud namo. Ang akong gikagul-an, Noy, naa siyay sakit.
Nahibaw-an nako this year ra pud niadtong month sa March.
Nakamatikod man ko ani niya ato nga time nga luya kaayo ug naa gyuy time nga gihilantan siya. Ug nireklamo siya nga sakit daw iyang kilid. Nabalaka kaayo ko, Noy Kulas, kay di na man mokaon ug magsige og balikbalik ang iyang hilanat. Sa among kalisod diri sa Bohol, Noy, wala tawon koy matabang niya. Nangita ko og paagi, Noy.
Gipainom siya nako og herbal nga tambal apan walay epekto.
Mao nga nakadesisyon ko, Noy, nga papaulion sa ila sa Cebu. Supak gyud sa akong buot nga mouli siya sa ilaha kay nasayod ko nga kon mauli siya sa ila di na siya pabalikon diri sa Bohol.
Sa sugod pa lang sa among relasyon, wa ko mauyoni sa iyang mga ginikanan. Bisan sakit, Noy, ako na lang gisakripisyo nga mahilayo siya nako. Ako na lang giagwanta kay sa makit-an siya nako nga nag antos.
Sa dihang nauli na siya sa ila, na-confine gyud siya sa hospital ug nasayran nako, Noy, nga naa siyay bato sa kidney ug liner ulcer. Dili mahisabtan ang akong gibati sa akong nasayran nga naa siyay sakit. Maorag gidat-ugan ko sa kalibutan. Di ko makatuo nga nasakit siya sama ingon ato, Noy. Usa pud, Noy, kinahanglan siya maabunuhan og duha ka bag nga dugo.
Wala ko masayod sa akong buhaton, Noy. Di ko makadawat nga nasakit siya. Mas palabihon pa nako nga ako ang masakit kay sa siya kay nasayod ko nga di siya makaagwanta. Labina wa ko sa iyang kilid sa dihang na-admit siya tungod kay naa pud koy trabaho nga di nako mabiyaan. Akong nahunahunaan nga buhian na lang siya nako kay mismo ako walay nahimo. Mao ako nalang siya giingnan nga wa nako nahigugma niya para di na siya mobalik diri sa Bohol para didto na lang siya sa ila, labina naa siyay sakit.
Nag ilis ko ug lain nga SIM, Noy, para di nako makakontak niya.
Karon nia ko sa Manila nagtrabaho kay akong plano nga kon makatigom ko og dakong kwarta ako siyang balikon ug pakaslan kay dugay na gyud unta namong plano nga magpakasal apan di madayon tungod sa kakulang sa budget.
Hangtod karon, Noy, mahal gihapon siya nako. Di mahitabo nga makalimtan siya nako, Noy, kay siya na ang babae nga akong mahalon hangtod sa hangtod. Karon, Noy, nasayran nako nga nagkabalik sila sa iyang ex. Nganlan lang nato og Dennis.
Nasakitan gyud ko, Noy. Ang mas sakit gyud nga naghinay-hinay na siya og move-on. Paeta lagi, Noy, di na lang ko katarong sa akong trabaho tungod kay mahinumduman gyud siya nako. (sumpayan)