HUGOT karon nga gikompirmar sa mga opisyal sa Philippine Drug Enforcement Agency (PDEA) ang pagtumaw niining gitawag nga Narco Politic diin adunay namatikdan nga paglambigit sa pipila ka mga opisyal sa kagamhanan labi na ang LGU.

Sumala sa taho sa kasamtangan nga nagdumala sa PDEA 10 nga si Director Edwin Layese, nga dinhi sa atong rehiyon, adunay mga pulitiko nga nalambigit sa druga - tigamit niini o nalambigit sa drug pushing. Kini usab ang gikompirmar sa usa ka dakung opisyal sa Dangerous Drug Board.

Mao kini karon ang nahimong dakung prublema sa maong ahensiya.

Namatikdan nga niadtong bulan sa Marso sa niaging tuig, gibulgar sa usa ka opisyal sa DDB nga si Atty. Clarence Paul Oaminal nga dinhi sa Rehiyon 10 adunay unom (6) ka mga pulitiko ang nalambigit sa Narco-Politics. Wala tagda ug bulan human sa iyang pagbulgar, gitangtang si Oaminal sa DDB.

Daghan ang nmga senaryo nga pwedeng maingon tang malambigit ang usa ka politico sa maong illegal nga bihutan sama ning mosunod: ang usa ka opisyal direktang nalambigit sa pagpayuhot sa illegal nga druga, sa panahon nga ang opisyal mo intervene sa ngalan sa suspetsadong nadakpan atol sa usa ka raid, kung ang nalabigit sa druga dool sa kasing-kasing sa pulitiko ug iya kining giproteksyonan.

Daghan ang nagtoo nga basin niining pagbulgar ni Director layese, siya mamahimong ipalagpot sa katungdanan gamit ang gahum ug impluwensiya niining mga pulitikong durugista. Gani, sa 2010 International Narcotics Control Strategy, ang Northern Mindanao uban ang Cebu,ug Manila ang naapil nga most illegal drug hit areas sa Pilipinas.

Akong hugot nga gidayeg karon ang katakus, kamatinud anon ug ka seryoso sa pagserbisyo ni Director Layese ug ang iyang mga kauban sa PDEA-10 labina niadtong dakung accomplishment niini sa pagronda sa mga nalambigit sa druga diha sa Barangay Balulang bag-o pa lamang diin nakuha ang kapin sa 240 ka gramo nga shabu nga nikantidad ug P1.7 milyon ka pesos.

***

Gikinahanglan nga magtambayayong karon ang hugpong sa mga sakop sa media ug ang mga matarong ug maligdong nga sakop sa Piskaliya dinhi sa atong dapit niining kidnapping attempt nga nahitabo kang Prosecutor Irene Meso.

Dili na gayud katiaw-tiawan kining maong panghitabo tungod kay kining mga tawo nga nalabigit sa pagpatay ug paghimo ug kadaot sa mga sakop sa Prensa ug Piskaliya, nagpakita nga walay tiunay nga segutrida ang kinsa mang nanimuyo dinhi sa atong dakbayan.

Daghan ang nagtoo nga ang nahitabo kang Fiscal Meso, naglambigit sa mga

sensitibong mga kaso nga iyang gihuptan karon ug sa mga kauban niini sa Regional Prosecutors Office. Mao kini karon ang gikabalak an ni Regional State Prosecutor Jaime Umpa nga gihimo man gani kini sa mga babayeng Prosecutors samot na usab sa uban. Hinaot nga mahatagan ug igong imbestigasyon kini sa kapolisan aron direktang matumbok ang mga responsable.

Atangi mga pare/mare ang 760r, 540r, 308r, 701r, 277r (2 p.m., 5 p.m. ug 9 p.m.) June 23-July 29, 2010. Alang sa inyong mga reaksyon o opinion text 09187095145 o email sa dxco1044@yahoo.com.