SI seven-division world champion Manny Pacquiao mao ra’y bugtong boksidor nga nalakip sa 20 ka mga atleta nga nalista sa Sports Illustrated nga pinakadako og kita sa tuig 2010.

Siya maoy ikalima sa listahan diin giakupar kaniadto ni kanhi tennis World No. 1 nga si Roger Federer sa Switzerland.

Kauban ni Pacquiao sa listahan mao ang 7 ka football players, 5 ka motor sports racers, 3 ka tennis players, duha ka baseball players ug duha ka NBA stars.

Updates on President Benigno Aquino III's presidency

Sa niaging tuig si Pacquiao nahimutang sa ikatulong dapit ug karon nahagsa sa ikalimang puwesto nga may $38 million nga kita lakip ang mga bonuses, endorsements ug appearance fees.

Ang iyang kita sa away gikan sa July 2009 ngadto sa June 2010 maoy lig-ong hinungdan sa iyang pagkalakip sa listahan. Iyang gipamildi sila si Puerto Rican Miguel Cotto sa Nob. 14 ug ang Ghanaian nga si Joshua Clottey sa Marso 13.

Si Federer, mao karon ang nag-una nga may $61,768,110 nga kita, sunod ang Argentine nga si Lionel Messi Portugese Cristiano Ronaldo sa Madrid.