Alaska, San Miguel 2-0 ang puntareya

Mga duwa karon:

(Araneta Coliseum)

5:00 p.m. – Alaska vs. Talk ‘N Text

7:30 p.m. – San Miguel vs. Derby Ace

PAGPABUKAD sa bintaha sa series, 2-0, maoy puntariya sa defending champion San Miguel Beer ug Alaska Aces sa dihang ilang ikasangka og balik karong gabii ang tagsatagsa ka mga kaatbang sa best-of-seven semifinal series sa 35th Philippine Basketball Association (PBA) Fiesta Conference sa Araneta Coliseum.

Updates on President Benigno Aquino III's presidency

Yanong giputlan sa Alaska Milk sa ilang signal ang Talk ‘N Text, 104-88, samtang wa usay kaluoy nga gipanghubog sa San Miguel ang B-Meg Derby Ace, 101-88 sa opening game sa series.

Apan bisan pa sa kadaugan, gipanghimangnoan gihapon ni coach Tim Cone sa Alaska ang iyang mga batos nga wa gyuy angay nga ikompiyansa sa ilang pagpakigharong sa Texters nga sugdan sa alas 5 sa hapon.

Ang Beermen usab ni coach Siot Tanquincen naglaom nga ilang mausban ang sisterm nga Llamados sa ialng 7:30 pm. nga panag-engkuwentro.