DAYO nga lalake gipusil patay sulod sa merkado publiko sa Carbon pasado alas nuybe sa milabayng gabii.
Ang biktima wa pa mailhi sa paghikay ning balita.
Gibana-bana nga kapin sa 30 anyos ang panuigon, 5’4 ang gitas-on, kasarangan ang panglawas ug pamanit, wavy ang buhok, nagsul-ob og itom nga polo shirt ug faded maong pants.
Ang biktima nakaangkon og samad pinusilan sa iyang kilid, dughan ug tiyan agi sa wa pa matino nga kalibre sa armas de fuego.