BANGIS nga ningbangon gikan sa pagkapandol ang M.Lhuillier Kwarta Padala-Cebu Niños ug ilang gipahimungtan ang Ani-FCA, 91-71, kagahapon aron angkunon ang nag-unang luna sa finals sa 7th leg sa Tournament of the Philippines (TOP) sa Emilio Aguinaldo College gym sa Manila.
Usa ka adlaw human giputol sa MP GenSan Warriors ang ilang 30 ka sunodsunod nga kadaugan, 79-74, ang Niños ni coach Raul “Yayoy” Alcoseba nanginit gyud og maayo gikan sa sinugdanan hangtod sa katapusan aron humanon ang eliminasyon dala ang 2-1 nga rekord.
“What happened yesterday (Huwebes) was more mental kasi pagod na sila,” matod ni Cebu coach Yayoy Alcoseba. “Sabi na lang namin e OK lang na natalo na tayo basta wag lang sa championship.”
Sa first half pa lang, niulbo na ang opensa ni ex-PBA Stephen Padilla ug nagpakatap na kini’g 16 puntos lakip na niini ang upat ka three-point shots. Gihuman ni Padilla ang duwa dala ang 24 puntos.
Ang kamangtas ni Padilla maoy naghatag sa Niños og 41-21 nga labaw sa halftime ug wala na gyud sila milugak gikan niadto hangtod na sa pagkapupos sa oras.
Puntos kada usa M. LHUILLIER CEBU 91 - Mepana 17, Padilla 16, Dacia 13, Basco 9, Poligrates 9, Ybanez 8, Magsumbol 7, Ababon 6, Cruz 2, Saladaga 2, Mondragon 2ANI-FCA 71 - Dizon 19, Luanzon 15, Custodio 13, Sena 6, Te 6, Arao 5, Bautista 3, Saguindel 2, Hugnatan 2. Quarters: 22-9; 41-21; 64-40; 91-71.