GIREKLAMO sa usa ka ginang ang doktor sa Vicente Sotto Memorial Medical Center (VSMMC) nga giingong nilakip pagputol sa iyang tinai sa gipahigayon niining “ceasarian operation” nga niresulta nga ang iyang hugaw anaa mogawas sa kilid sa iyang lawas sugod niadtong Mayo sa miaging tuig.

Updates on President Benigno Aquino III's presidency

Apan, gihimakak sa doktor ang pasangil sa biktima kay gitarong niya sa pagpahigayon ang operasyon niini ginamit ang iyang abilidad ug gitumbok niyang gipanguwarta lang siya niini busa gihangyo niya ang PRC nga ibasura ang reklamo batok kaniya.

Si Laura Cañete, molupyo sa R. Palma St., dakbayan sa Sugbo, nisang-at og reklamo sa Office of the Ombudsman-Visayas ug Professional Regulation Commission (PRC) batok kang Dr. Hei Lorenil Tangga-an, obstetrician ug gynecologist sa VSMMC, nga gitumbok niyang nakahimog “criminal negligence” nga nalatid sa Revised Penal Code ug kon masutang sad-an iyang ipa-revoke ang lisensya niini.

Matod ni Cañete nga niadtong Mayo 2, 2009 nipaubos siya sa ceasarian operation ni Tangga-an aron makagawas ang iyang gisabak.Apan, sa sunod adlaw nagkurog siya ug taas kaayo ang iyang hilanat unya ang iyang hugaw imbes sa lubot nigawas diha na sa iyang tiyan.

Tungod sa insidente, gipaubos siya sa laing operasyon nga gitawag og “laparotomy” aron pagsusi kon unsay hinungdan niini ug gilimpyohan ang iyang tiyan.“It was found out in the exploratory laparotomy procedure that the intestine leading to my anal cavity was cut,” butyag ni Cañete hinungdan nga ang iyang hugaw mogawas sa tiyan.

May bag na nga gibutang sa iyang tiyan nga adto na mogawas ang iyang hugaw ug hangtod ning higayona maoy iyang gikalisdan kay di naman normal ang iyang paminaw ug maglisod na siya pagbalik sa trabaho.

“In subjecting me to a colostomy procedure, one thing is certain that respondent Dr. Hei Lorenil Tangga-an committed an act short of the utmost degree of deligence required of medical practitioners in their service to humanity,” padayag sa biktima.

Iyang gitug-an nga imbes tabangan siya sa iyang sitwasyon ug matambalan sa maayong doktor, si Tangga-an nipahimangno kaniya nga di mosulti sa ubang mga tawo sa iyang gihimo ug kon buhaton niya kini hunongon na niya ang paghatag og P200 ngadto sa P300 matag buwan. Wa siyay nahimo sa sitwasyon apan naghangyo siya sa doktor nga tabangan siya nga matarong ang iyang tinai ug mahibalik na ang iyang normal nga kondisyon apan wa gyod kini buhata hinuon gihagit siya niini nga nagkanayon “ikiha lang ko, wa ko mahadlok ninyo.”

“The allegations in the complaint are completely incorrect, outrageously false, all lies, arbitrarily malicious, and are concocted and figments of the vivid imagination of said complainant,” matod ni Tangga-an sa iyang gisumiter nga counter-affidavit ngadto sa PRC.

Gihulagway niyang harassment ang gihimo ni Cañete batok kaniya kansang ang nahitabo kaniya resulta sa “second ceasarian-section and third major operation that was conducted on May 2, 2009 and the May 5, 2009 exploratory laparotomy and colostomy operation.(JECT)