GIKALIPAY sa barangay Lapitan sa Lahug, dakbayan sa Sugbo ang pahibawo ni Gobernador Gwen Garcia alang sa sabot-sabot tali sa mga pamilya nga nagpuyo sa luna ubos sa 93-1.

Sa luna nga gipanag-iya sa Probinsya, kapin sa 5,000 ka mga pamilya nahisakop sa Barangay Lahug.

Updates on President Benigno Aquino III's presidency

Si Kapitan Mary-ann De los Santos nga nahinabi sa Sun.Star Superbalita niingon nga maayong sinugdanan alang sa pagbalik sa maayong relasyon tali sa Siyudad ug Probinsya ang lakang nga gihimo sa gobernador.

Ang mas nakapahimulos sa maayong relasyon sa Probinsya ug Siyudad mao ang mga squatters nga nagpuyo sa 93-1, matod sa kapitan.

Siya nipahibawo nga 70 porsiento sa mga squatter nga nagpuyo sa 93-1 ang nakabayad og partial sa Probinsya.

Ang 15 porsiyento nakaimpas na pagbayad samtang ang laing 15 porsiento wa pa makabayad nakabayad sa Probinsya.

Matod pa ni de los Santos nga andam siyang morepresentar sa mga nagpuyo alang sa sabot-sabot sa Probinsya alang sa balayranan sa mga nagpuyo.

Gisugyot usab niya nga magtukod og usa ka komitiba aron magtuki sa mga bayranan sa mga nagpuyo sa luna.

Duha ka tuig na ang nakalabay, apan wa pa makab-ot kon pilay bayranan sa matag metro kwadrado sa maong mga luna. (JFT)