NAGPAKAMATAY pinaagi sa paghikot og pisi sa iyang liog ang 53 anyos nga amahan niadtong Huwebes mga alas 9:00 sa buntag sa Lumbia ning siyudad sa Cagayan de Oro.

Si Police Senior Inspector Nelsedaca Villanueva sa Scene of Crime Operatives (Soco) niila sa namatay nga mao si Miguel Ogimaz, 53, minyo ug usa ka taxi driver ning siyudad.

Gibutyag ni Villanueva sa pakighinabi sa Sun.Star SuperBalita nga atol sa ilang pagresponde nasayran nga nakaplagan nga wala nay kinabuhi ang biktima mga alas

9:00 sa buntag dihang gitoktok sa mga sakop sa pamilya ang lawak niini.

Apan nakurat ang tanan dihang nagbitay na ug naghikot sa iyang liog og pisi si Ogimaz.

Gihikot niini ang pisi sa haligi diin kini nagbitay nga gituohang nianang gabii pa gihimo sa biktima. Lagom na ang bitkima ug daw mobuka na ang baba niini ug

aksiyon nga modiwal na ang dila.

"Wala tay nakitang foulplay sa kamatayon kay nagmarka pag-ayo ang pisi sa iyang liog," ni Villanueva kinsa maoy nangulo pagsusi sa insidente.

Gikatahong problemado sa iyang pamilya ang biktima gani magsige kini og ingon ngadto sa iyang mga kaubang taxi driver nga maghikog na lamang human giingong

nagbulag kini sa iyang asawa pipila na ka bulan ang nilabay.

Aduna usab anak nga anaa sa kostudya niini ug maoy nagsuporta sa mga panginahanglan.

Ang patay'ng lawas gidala na ning panahona sa Bollozos funeral parlor apan gitambagan ni Villanueva nga ipa otopsiya una ang patay'ng lawas.