DI na gyud ikatingala nga 'in' karon sa showbiz world ang panagbulag.

Di lamang sa relasyon, lakip na sab sa mga talent ug manager.

Nakurat ang public dihang gianunisyo sa Queen of Talk Kris Aquino nga babush na ang ilang relasyon ni James Yap.

Misunod sab nila ang magtiayong Yayo Aguila ug William Martinez, then naki-join sab sila Pia Guanio ug Vic Sotto.

Usa sab sa gikuninitan mao ang break-up nila Zanjoe Marudo ug Mariel Rodriguez.

Kun si Mariel nakamove-on na tungod sab sa help ni Robin Padilla nga na-link kaniya, may tsika nga si Zanjoe, daw may pagahay sa iyang pakigbuwag sa aktres.

As we all know, si Zanjoe ang nakigbuwag kang Mariel, sa rason nga sila ra sab ang nasayod.

Tungod nasakitan, deadma ever na si Mariel kang Zanjoe, hilabi na nga consistent sab si Binoe sa pagpadayag sa iyang interes kang Mariel.

This time, halos di na sab mabuwag ang duha, diin gikumpirma na sab ni Mariel nga naga-date na sila ni Robin.

Apan karon, migula ang tsika nga nanukad na sab si Zanjoe sa pagpanguyab kang Mariel.

Say pa, nga buot karon ni Zanjoe nga makigbalik kang Mariel, nagmahay kini nga gibuwagan ang dalaga.

Sobra ka-busy karon ang aktor, halos di mabakante sa left and right niya nga shows.

Tungod niini tataw nga mipayat gyud ang aktor, nag-uga na ang fes, nawala na ang pagka-hunky fafa.

Daghan hinuon ang nakasaway nga posibleng depressed lamang kini tungod wa damha nga love pa diay niya si Mariel, nasayop sa iyang desisyon nga buwagan ang dalaga.