NASIKOP sa hiniusang puwersa sa Sta. Ana Police Station ug Philippine Airforce ang duha ka mga lalaki nga giilang mga notadong tigpahuyot og marijuana dinhi sa dakbayan sa Davao.
Nasikop ang duha pinaagi sa buy-bust operations alas 3:45 sa kaadlawon kagahapon didto sa dalang Jacinto ning dakbayan sa Davao.
Mga dinakpan mao sila si Dante Atinzo Sillada, 32, ulitawo, usa ka negusiyante, taga Cogon, San Rafael, Cateel, Davao Oriental ug Ronald Tugon Ajero, 22, usa ka chainsaw operator ug taga Purok Bayabas, Taytayan, Cateel, Davao Oriental.
Nakuha gikan sa duha mao ang duha ka mga bag nga puno og linukot nga mga marijuana nga gibana-banaang moabot ngadto sa 3 kilos.
Anaa karon nakadetiner ang mga dinakpan sa selda sa Sta. Ana Police Station ug andam nang pasakaan og kasong paglapas sa Dangerous Drugs Act of 2002.