SA labing unang higayon, pakyas ang M. Lhuillier Kuwarta Padala-Cebu Niños pagsakmit og leg title sa Tournament of the Philippines.

Kagahapon, puwerteng ngil-ara sa duwa sa Niños hinungdan nga yano silang gipanglampornas sa Cobra Energy Drink Ironmen, 81-63, sa finals sa 7th leg nga gipahigayon sa Emilio Aguinaldo College gym sa Manila.

Bisa’g wala ang ilang headcoach nga si Lawrence Chongson, ang Ironmen maayo gyud kaayong nakaduwa gikan sa sinugdanan hangtod sa katapusan.

Updates on President Benigno Aquino III's presidency

“This is a sweet revenge because we lost by huge margin in the elims,” matod ni Joel Palapal, kinsa maoy temporaryong nihulip sa puwesto ni Chongson.

Ang Niños, nga maoy kampiyon sa 1st ug 6th legs, nakasukolsukol pa sa nag-unang tulo ka quarters.

Apan sa 4th quarter, wala nila napakgang ang paghaguros sa opensa sa Ironmen, nga nakabira sa ilang ikaduhang leg title.

Sa laing duwa, nasakmit sa Ani FCA ang ikatulong puwesto pinaagi sa pagpukan sa MP GenSan Warriors, 82-73.

Sa pagsugod, nagkontrolar na ang Ani FCA.

Puntos kada usa

First Game

ANI FCA 82 – Custodio 20, Hugnatan 15, Saguindel 14, Arao 6, Dizon 6, Te 6, Membrere 5, Bautista 5, Cagoco 3, Palaganas 2

MP GenSan 73 – Yambao 13, Medalla 13, Raymundo 10, Pareno 8, Callo 7, Sagad 6, Nicdao 4, Pacquiao 4, Mendoza 4, Farochilen 3, Coronado 1. Quarters: 24-15, 43-22, 65-49, 82-73 .

Second Game

Cobra 81 - Llagas 24, Lingganay 12, Acuna 10, Nabong 8, Barua 6, Canizares 6, Bagatsing 6, Espiritu 5, Afable 4

MLKP-Cebu 63 – Ababon 19, Dacia 12, Mepana 10, Santos 7, Cruz 6, Padilla 4, Basco 3, Magsumbol 2. Quarters: 20-12, 36-32, 59-48, 81-63.