Goodluck Casimero

LANGKATON og suway ni Johnriel “Quadro Alas” Casimero ang International Boxing Federation (IBF) light flyweight title batok kang Alberto “El Mosquito” Lazarte karong adlawa sa Argentina.

Sa official weigh-in kagahapon, si Casimero mitimbang og 106.7 pounds samtang si Lazarte nipatik sa 107.4 pound.

Sa interbyu sa www.boxingscene.com, nagkanayon ang promoter ni Casimero nga si Sammy “Don King” Gelloani nga kalmado ra gyud si Casimero human sa tinimbangay.

Dili gyud kini sayon nga tahas alang kang Casimero kay lupig ka­ayo siya sa kasinatian kumpara sa beteranong si Lazarte.

Si Casimero naggu­nit og 15-2, 9KOs nga rekord nga layo ra gyud kaayo sa baraha ni Lazarte nga 49-10-2, 18KOs.

Gipasabot ni Gelloa­ni nga determinado gyud kaayo si Casimero ning awaya ug kanunay kining naghunahuna sa kaugmaon sa iyang pamilya.

Gamit ang iyang kumo, tinguha ni Casimero nga matuman niya ang iyang mga pangandoy alang sa iyang pamilya.

Niini, nakita ni Gelloani nga lawom gyud kaayo ang ambisyon ni Casimero hinungdan nga grabe gyud kining nakaensayo alang ning awaya.

Si Casimero nag-training Omega Boxing Gym sa Mabolo, Cebu City kauban ang iyang trainer nga si Pingping Tepora.