MAKALOWKAH kini! Human sa pagdeny-deny ever nga wala silay relasyon, nga say pa friends lamang sila, last Saturday sa interview sa ABS-CBN News nakumpirmar nga nagbuwag na gyud sila Lovi Poe ug First District Cong. Ronald Singson.

Ang estado sa relasyon sa duha dugay nga gisumsuman sa press, hilabi na nga perme silang makita nga naga-uban sa nagkadaiyang showbiz functions.

Sumala pa kun asa si Lovi, expected naka-ikog kaniya si Ronald.

Balik sa atong tsismis, si Ilocos Sur Gov. Chavit Singson nga gi-interview sa maong news network nagkanayon nga last June 9 pa nagbuwag ang iyang anak ug ang dalaga ni FPJ.

Si Gov. Chavit gihinabi may kalabutan sa pagka-priso ni Cong. Ronald karon didto sa Hongkong human makuhai og mga ilegal nga druga ang anak.

Kasamtangang nakakulong ang batan-ong Singson sa Hong Kong.

Say ni Chavit nga "broken hearted" ang anak human sila magbuwag ni Lovie, atoll sa concert ni Usher dinhi sa nasud.

Niya, posibleng nasulsulan ang anak sa mga kauban niini, hilabi na nga sayod kining daan nga istrikto siya kun kalabot sa druga ang hisgutan.

Depensa ni Chavit nga regular niyang gipailawom sa drug test ang anak aron masiguro nga wala kini maggamit og druga.

"Nag-away sila ni Lovie Poe, tapos tumuloy na sa Hong Kong. Suppose to be from Macau diretso ito ng Mongolia kung saan sila magkikita ni Usher," ni Chavit.

Si Ronald nakuhaan og 26.1 gramos sa cocaine, duha ka tabletas sa diazepam.

Way gihatag nga detalye kun unsa ang rason sa panagbuwag sa iyang anak ug ni Lovi.

Sa kasamtangan, na-link si Lov kang Rocco Nacino nga StarStruck V second prince.