Editoryal: Sa unang Sona ni Noynoy

DAGHANG nagpaabot sa unang state-of-the-nation address (Sona) ni Pres. Benigno Simeon ‘Noynoy’ Aquino III karon.

Unsay gusto nimong mabati gikan ni Presidente Aquino, ang pagyagyag sa mga baho sa miaging administrasyon o ang kongkreto buhaton bahin sa iyang saad sa eleksyon sa paghaw-as sa katawhan gikan sa kalisod?

Nipasumbingay si Aquino sa miaging adlaw nga ibutyag niya sa Sona ang halapad nga korapsyon sa kagamhanan ni kanhi Pres. Gloria Macapagal Arroyo sama sa hapit na mahurot nga calamity fund karong tuiga.

Gituhoan nga usa kini sa rason nga si Arroyo di motambong sa Sona karon ug nilarga sa Hong Kong sa wa matino nga tuyo.

Hinuon, ang Malacañang nipasalig nga di buot mopakuwaw sa kanhi presidente ug karon representante sa Ikadugang Distirito sa Pampanga alang sa Kongreso.

Apan ang mga organisadong grupo buot nga way bisan usa nga sektor ang matabonan sa gipaabot nga emosyonal nga pag-ugkat ug pag-ugkat sa baho sa kaatbang sa pulitika.

Gipadayag sa mga lider sa Social Watch Philippines (SWP) kagahapon nga maayong nadetalye sa Sona ni Aquino ang poverty eradication programs sa iyang administrasyon.

Ang kamatuoran, sumala sa SWP, mayoriya sa katawhang Filipino ang naglisod busa kinahanglang tutokan kini sa bag-ong administrasyon.

Ang Pilipinas nakapirma sa kasabotan sa Millenium Development Goals (MDGs) sa United Nations (UN), usa ka time-bound ug qualified targets alang sa pagpapas na sa kalisod hangtod sa tuig 2015 nga tagal.

Isip unang Sona ni Aquino, ang walhong grupo wa pay igong isyu ug ang tanang han-ay sa sosyal ug pulitikahong linya naniid karon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph