NANUROY sila si Daying ug Langlang sa balay sa ilang Kuya Ariel. Gabii kadto sa Septiyembre 20, 1999. Mga alas 11 sa gabii nanguli sila si Daying ug Langlang nga naglakaw lang.

Apan naabtan sila sa kusog kaayong uwan, namasilong sila. Naabtan silag mga ala 1:30 sa kaadlawon sa Septiyembre 21.

Kay mga menor pa lagi ug dunay curfew, gipangdakop sila sa mga barangay tanod. Gidala sila sa barangay hall diin gimandoan sila ni barangay kapitan Tony sa pagmulta og P200. Napakyas sila sa pagbayad mao nga gisuwat na lang sa blotter unsay nahitabo.

Updates on President Benigno Aquino III's presidency

Mga pipila ka gutlo ang nakalabay, nangabot sila si Panyong ug Allan sa barangay hall.

Nisaka si Allan samtang si Panyong nagpabilin sa ubos. Nisulti si Allan sa barangay kapitan nga nakaila siya sa mga ginikanan sa duha ka mga dalagita busa siya na ang modala niini pauli sa ilang balay.

Kay nakaila lagi ang kapitan kaniya isip anak sa barangay tanod, gi-release ang mga dalagita sa iyang custody. Gipapirma una si Allan og suwat sa kapitan nga iya sab nga gipirmahan.

Apan inay dad-on pauli, didto gidala ang duha ka mga dalagita sa mangitngit ug mingaw nga dapit sa usa ka poultry house.

Ninglugnot silang duha apan ang mga akusado kusgan kaayo.

Si Daying gitiunan og kutsilyo ni Panyong samtang si Langlang gilayog sab ni Allan.

Ang duha ka mga dalagita dungan nga gi-rape sa mga akusado.

May distansya lang sila nga upat ka metros dihang gibuong sa duha ang ilang pagkababaye.

Si Panyong nanghimakak sa pasangil. Matod niya nga mga ala 1:30 sa kaadlawon sa Septiyembre 21 didto ra siya sa ilang balay.

Nianang mga alas 7 sa gabii, nagkakita sila ni Allan sa usa ka birthday party. Mga alas 11 sa gabii, niadto si Allan sa ilang balay aron manghuwam og kuwarta nga ikagasto sa pagbayad sa multa sa mga dalagita.

Gihangyo pa siyang kuyogan, apan matod niya nga siya nibalibad.

Gihulga dayon siya ni Allan nga magmahay sa iyang gibuhat.

Nianang mga alas 3 sa kaadlawon ning-abot sila si Allan ug ang duha ka mga dalagita.

Nangayo si Daying sa kuwarta nga bayad sa pagpakighilawas nga naa kaniya gihatag ni Allan. Iyang gibadlong ang tulo kay namahuway na sila. Iyang gihatagan ang mga dalagita og P15 isip plete sa pagpauli. Gihulga siya ni Daying nga magmahay lang unya.

Wa sab kuno siya makaila sa mga dalagita. Samtang ang kapitan niingon nga si Allan lang usa ang niabot sa barangay hall. Gani na-record kini sa barangay hall. Wa siya manginlabot sa pagdakop sa mga akusado tungod kay gimbuhaton kini sa mga pulis.

Kon ikaw ang pahukmon, base sa mga pamahayag sa prosekusyon ug depensa, kinsa ang mas lig-on ug katuohan? Kana kon ikaw ang pahukmon?

Hukom sa kasong rape

Ang akusado gisilutan og reclusion perpetua sa upat ka mga kaso nga iyang giatubang sa paglugos sa iyang batang anak. Wa pa gyuy parole nga ihatag kaniya.