ATOL sa paghimo sa unang state-of-the-nation address (Sona) ni Pres. Benigno Simeon ‘Noynoy’ Aquino III karong hapon, ang mga militanteng grupo mohimo og martsa-rally gikan sa Fuente Osmeña padulong sa dalan Colon.

Ang magsugod panagtapok militanteng grupo sa Fuento O sa alas 10:00 sa buntag ug motapos ang martsa sa usa ka programa duol sa Gaisano Metro-Colon.

Updates on President Benigno Aquino III's presidency

Usa sa nangulo sa kalihokan mao ang Promotions of Church People’s Rights (PCPR)

Subay sa gipada nga pamahayag sa Sun.Star Superbalita ni Rev. Jessie Primacio, PCPR-Cebu secretariat, nanawagan sa pagtinuod sa sa ni Aquino sa miaging eleksyon sa pagwagtang sa korapsyon ug paggukod sa mga malapason sa balaud sa miaging administrasyon ni Pres. Gloria Macapagal Arroyo.

Usa usab sa saad ni Aquino mao ang pagtapos na sa kalisdanan ug pagbatok sa kalapasan sa tawhanong katungod.

Atol sa ilang rally, ang PCPR ug ubang militanteng organisasyon mogahit kang Presidente Aquino sa pagtuman sa ilang mga saad ug paghimo sa matuod nga agenda alang sa kausaban sa pagduma sa nasod. (PR/RRM)