DI GYUD matago ang pagka-imbiyerna sa komedyanteng si Pokwang sa TV host nga si Mo Twister.

Nagtubod ang isyu sa duha dihang nakaabot kang Pokwang nga gitawag siya ni Mo nga pinaka-pangit nga host sa Wowowee.

Si Pokwang nga bisan og natay-og sa pagsaway ni Mo kaniya, wa sab papiri, gibirahan ang TV host.

"Oo, pangit na pangit siya sa akin. Galing yata siya sa papogian contest. Pero siya perfect, sobra."

Pahayag sa komedyante nga bisan siya wa gasahi sa nindot nga nawong, apan nagmalampuson siya sa iyang career, nalibot na sab niya ang kalibutan.

"Pero buti nga ang pangit na ito nalibot ang buong mundo. At itong hitsura ko, dito gumanda ang buhay ko kaya hindi ko ito papalitan, di ba? Marami nga ang may gusto, ganito na lang ang hitsura ko para yumaman," niya.

Dugang ni Pokwang nga di na niya hatagan og dakong pagtagad ang pagpangaway kaniya ni Mo.

"Hayaan na natin siya dahil hindi naman kilala ang show niya. At saka busy ako para patulan pa ang mga ganyan."

Nag-dialogue pa ang komedyana nga if ever makita siya ni Mo sa personal, posibleng ma-inlove pa kini kaniya.

"Baka pag nakita niya ako sa personal... hello... ma-in love siya sa akin," nagkatawang pahayag ni Pokwang.

Si Mo, ilado sa mga sarcastic, way lipud-lipod nga pahayag niini. Pipila na sab ka mga showbiz personalities ang iyang naka-away tungod sa iyang dila nga di papugong, lupig pay bababe huh!