PAREHONG masaligon sila si American trainder Freddie Roach ug Cebu boxing promoter Rex “Wakee” Salud nga patikangkangon gyud ni pound-for-pound champion Manny Pacquiao (51-3-2, 38KOs) si Mexican Antonio Margarito (38-6, 27KOs) inig abot nila ibabaw sa ring karong Nobiyembre 13 sa wa pa matino nga venue.

Nagkanayon si Roach nga lig-on gyud hinuon nga boksidor si Margarito ug mas dako pa gyud kini apan masaligon gyud siyang mahugno ra kini sa mga kinumo ni Pacquiao.

Updates on President Benigno Aquino III's presidency

“Manny will knock him out. We will knock him out,” batbat ni Roach sa interbyu sa www.gmanews.tv.

“I have no problem with the fight. Margarito is a tough guy, but his ring generalship is poor.”

Dihang gipangutana ni mantalaan, si Salud nagkanayon nga bisan sa gidak-on ni Margarito, yanuhon ra gyud kini pagkulata ni Pacquiao.

“Easy fight ra ni para ni Manny. Dili hinuon ni dalidaling matumba si Margarito kay dako man pero sa akong tan-aw, matumba ni siya sa later rounds,” matod ni Salud, kinsa adviser ug suod nga higala ni Pacquiao.

Hinuon gipasabot ni Salud nga dili gyud angayang mokompiyansa si Pacquiao bisa’g gamay kay aduna man sab gyu’y kusog si Margarito.

“Dili man ta makasulti nga wala’y chance si Margarito. Naa siya’y chance pero slim ra kaayo. Sa boksing, dili man sa gyud nato matagna kay usa ka lucky punch puwede nang mohuman sa away,” dugang ni Salud.

Alang kang Salud, si Floyd Mayweather Jr. mao gyud unta ang angayang ikaharong ni Pacquiao apan wala lang nipakita og interes ang Amerikano.

Gumikan kay suspendido pa man gihapon si Margarito sa Las Vegas, hayan wala pa gihapo’y klaro kon asa mapahigayon ang away.

Si Margarito gisuspenso gumikan kay nasakpan kining nagbutang og pampagahi nga kemikal sa iyang hand-wrap sa usa sa iyang mga away.

Ning maong rekord ni Margarito nga pagpanikas, gihulagway siya ni Roach nga maoy dautan sa ilang away unya ni Pacquiao.

“It’s like the good guy versus the bad guy. It’s probably a marketable fight, with Manny beating up another Mexican,” matod ni Roach, kinsa tatawng nagtumbok sa Mexican fighters nga sila si Erik Morales, Marco Antonio Barrera ug Juan Manuel Marquez.