Dear Noy Kulas,
Maayong adlaw kanimo.Hinaut nga ilikay ka sa mga kadautan.
Tawga lang ko og Love. Noy Kulas, taas kaayo ang story sa akong life. Minyo ko og langyaw. Dugaydugay na ming nag-ipon.
Kahibaw baya ka, Noy Kulas, pait kaayo sa Pilipinas. Naka-decide ko nga maminyu na lang ko og foreigner para ako na pod ang makatabang sa akong ginikanan ug sa akong mga igsuon.
Okay ra pod nako, Noy Kulas, magtapok ming tanan. Kaluoy sa Ginuo, naa man pod silay trabaho. Kahibawo baya ka, sweldo sa ato, Noy Kulas, gamay ra kaayo. Nakita nako sitwasyon sa akong mga igsuon nangaminyo, naluoy ko mao nga nagminyo ko og foreigner para makatabang nila. Hinuon nahigugma man ko sa akong bana.
Naswertihan pod ko kay buotan man akong na bana. Pag-abot nako diri sa abroad, nihangyo ko niya nga motrabaho ko. Gitugtan ko niya kay kahibawo man siya nga kinahanglan sad ko motabang sa akong pamilya ug di sad ko magsalig permi sa akong bana.
Mas maayo man gyud nga wala siya ikasulti sa nako, di ba?
Mao na ni akong problema, Noy Kulas. Bag-o pa mi nag-ipon sa akong bana pareho mi ganahan na mi og baby. Kaso lang nihangyo ko sa akong bana nga di sa mi magbuhat og baby kay motabang sa ko sa akong pamilya. Once makatigom na ko og money, okay na.
Until now tabang lang gihapon ko sa amo. Nisugut pod akong bana. Two years ago nag talk mi sa akong bana nga puwede na mi magbuhat og baby. Abi nimo, Noy Kulas, niprangka siya nako nga di na daw mi magbuhat og baby kay tiguwang na daw siya.
Di na lang daw kuno ko mag-hope mag ka baby mi. Ako siyang gipangutana ngano. Nangluod ba siya. Matod niya nga wa siya mangluod kay nakasabot man siya.
Abi nimo, Noy Kulas, sukad nisulti ang akong bana nga di na ko maglaom nga magbuhat mi og baby, nawagtangan na ko og gugma kaniya, Magsige na lang mi og away ug nakahuna-huna na lang kong magbuwag mi. Unsa man ang akong buhaton kay gusto na gyud kong makabaton og anak. Masuya na lang ko sa ubang family kay happy sila. Kanunay nakong giampo nga mausab ang huna-huna sa akong bana. Mangita na lang kaha ko og lalake nga gustong dunay anak? Or antuson ko na lang ning akong sitwasyon nga wa miy anak?
Mag-unsa man pud ko nga magkadugay ang among relasyon di man niya mahatag ang akong kalipay? Maayo pa kaha ako na lang siyang buwagan?
LOVE
rLove,
Salamat kaayo sa imong suwat. Apan wa na man koy igong space, sa Huwebes na lang nako ni tubagon.
NOY KULAS