WA NA gyuy tsansa pa nga magkabalik pa ang kanhi mag-jowa nga sila Luis Manzano ug Angel Locsin.

Say pa nga hangtud friends na lamang gyud ang relasyon sa duha.

Ni Luis, kuntento na siya sa maong set-up. Dili na mag-date, managhigala na lamang.

Bisan ang inahan ni Luis, Gov. Vilma Santos, naglaum nga magkauli sa maayong kabubut-on ang duha.

Obvious nga like gyud sa Star for all Season si Angel alang sa anak, apan wala lamang gyud gi-swerte ang ilang relasyon.

Say ni Luis di na niya buot pang ipugos ang level sa relasyon nila ni Angel sa kasamtangan.

Niya, pareho sab silang walay panahon sa seryosohan nga relasyon tungod sa ka-busy sa trabaho, di gihapon nila ni mahatagan og pagtagad.

Gipaniguro ni Luis nga bisan og dili na sila mag-jowa ni Angel, magpabilin gihapon ang ilang friendship.

So, sa mga naglaum nga magkabalik pa sila Angel ug Luis, huwat-huwat na lang sab, basin diay og mausab pa ang lakat sa panahon. Di ba!